Mostrando entradas con la etiqueta Froita confeitada. Mostrar todas las entradas
Mostrando entradas con la etiqueta Froita confeitada. Mostrar todas las entradas

lunes, 23 de enero de 2012

Espirales de cereixa


Este Nadal utilicei, como acostumo, froitas confeitadas tanto en galletas como na rosca e outros doces. Estas espirais resultaron ser un bo xeito de darlle uso ás que aínda me quedaban. 
As froitas mesturadas coa reladura de limón achéganlle un sabor doce e agradable a esta clase de masa.


Ingredientes
250g fariña
100g cereixas confeitadas
50g cabaza confeitada
50g azucre moreno
6g fermento
125ml leite 
4 culleradas de manteiga 
1/2 culleriña de sal
1 ovo 
1 limón relado


Preparación
Nun bol tamizamos a fariña co fermento e o sal; incorporamos o leite morno, o ovo batido e dúas culleradas de manteiga a temperatura ambiente. Mesturamos ben.
Traballamos ben a masa, tapámola e deixámola repousar ata que duplique o seu volume, aproximadamente unha hora.
Nunha cunca mesturamos as froitas toradas, a reladura de limón e o azucre.
Estendemos a masa cun rolo para formar un rectángulo de 25x30 cm, untámola co resto da manteiga e repartimos a mestura de froita por enriba.
Enrolamos comenzando polo lado longo, cortamos a masa en 8 rebandas e colocámolas nun molde de 20 cm de diámetro, engraxado con manteiga.
Tapamos e deixamos levedar ata que duplique o seu volume.
Pintámolas con leite e metemos no forno 190º uns 25 minutos ou ata que estean douradas.
Deixamos arrefriar sobre unha reixa metálica.


miércoles, 21 de diciembre de 2011

Mini florentinas



De novo Nadal, este ano un pouco máis especial por ser o primeiro de "Comonacasa". Querìa preparar algo sinxelo e atractivo, que servise para acompañar unha agradable reunión con amigos ou familiares que nestas datas acostumamos a organizar. Pensei nestas deliciosas pastas de froita e chocolate, que aproveito para compartir con todos, felicitarvos estas festas e desexarvos o mellor para o novo ano!!.......grazas por estar aí.


Tamén quero agradecer a "el Rincón de Galicia" que contasen coa miña colaboración na entrevista que foi publicada onte e na que adiantaba esta receita.



Ingredientes
(para 10-15 unidades)
40g manteiga
40g azucre
50g améndoas laminadas
25g pasas sultanas
25g cereixas confeitadas
25g naranxa confeitada
25g pipas xirasol
90g chocolate negro
1 cullerada nata


Preparación
Fundimos a manteiga nun cazo, engadimos o azucre, removemos ata que se disolva e levámolo a ebullición.
Retiramos o cazo e engadimos as pasas, as cereixas, a laranxa, as pipas de xirasol e as améndoas.
Mesturámolo todo ben, agregamos a nata e batémolo de novo. 
Forramos unha bandexa con papel vexetal e colocamos culleriñas de masa ben separadas entre si.
Metemos no forno prequencido a 180º uns 10 minutos. 
Retirámolas e cun cortapasas circular dámoslles forma.
Toramos o chocolate e fundímolo ao baño maría.
Untámolo sobre as galletas pola parte plana e deixamos que se solidifique.


domingo, 24 de abril de 2011

Rosca de pascua



Esta tradicional Rosca de Pascua faise nestas datas no forno de moitas casas, e noutras faise tamén levando os ingredientes principais, como son os ovos caseiros e a manteiga de vaca, á panadaría para a súa elaboración.

A característica deste doce é o seu sabor a anís e a manteiga. Como sei que fóra de Galicia é dificil conseguir manteiga de vaca (que é manteiga cocida) podédela sustituir por la manteiga que usamos habitualmente (que é a manteiga de vaca crua).

En calquera caso é un doce que faise ano tras ano con esta invariable receita.
Boa Pascua



Ingredientes
500g fariña de forza
125g azucre
125g manteiga de vaca
40g fermento de panadería
4 ovos
sal
esencia de anís
papel vexetal


Para a decoración
50g azucre
1 ovo
froitas confeitadas
esencia de anís (opcional)






Preparación
Nun bol batemos a manteiga derretida e o azucre, engadimos os ovos, a fariña, o fermento disolto nun pouco de auga, un pouco de sal e unhas gotas de esencia de anís. Mesturamos ben tódolos ingredientes e formamos unha bola.

Na mesa de traballo  poñemos un pouco de fariña e amasamos, collendo a masa dende o exterior ata o centro. E importante que a masa vaia moi ben traballada, polo que lle adicaremos tempo ao amasado.

Untamos cun pouco de aceite un recipiente amplo, colocamos a masa e tapamos cun film transparente, deixando a masa ata que aumente o triple do seu volumen (neste caso 4 horas).

Poñemos a masa enriba do papel vexetal e introducimos os dedos formando un burato amplo no centro, e  estirámola para darlle unha forma redonda e igualada. Deixamos repousar, tapando de novo a masa ata que leve.

Batemos o ovo e pintamos cun pincel a masa, despois engadimos o azucre humedecido cunhas gotas de auga e de esencia de anís, cortamos as froitas e decoramos.

Introducimos no forno prequencido a 180º uns 20 minutos aproximadamente.
Sacamos do forno e deixamos enfriar sobre unha reixa.


lunes, 11 de abril de 2011

Madalenas con cereixas

































Este doce tradicional da rexión de Lorena, en Francia, adoita asociarse co almorzo e a merenda. Non obstante, engadindo aos ingredientes froita en almibar, facemos das madalenas unha estupenda sobremesa.
Espero que vos guste!


Ingredientes
175g fariña
125g azucre
100ml leite
50ml aceite de xirasol
1 sobre de fermento
1 ovo
cereixas en almibar
12 moldes de papel


Preparación
Nun bol batemos o ovo có azucre.
Despois o leite e o aceite. Mesturamos ben.
Engadimos a fariña co fermento e as cereixas troceadas.
Vertemos nos moldes, enchendo só 3/4 partes.
Espolvoreamos con azucre no centro de cada madalena.
Có forno prequentado, a media altura, 180º durante 12-14 minutos.