Sharlotka

Existe na cociña europea unha gran tradición de pasteis feitos con mazás, a súa elaboración sempre se relacionou coa maduración deste froito e o inicio do outono. Actualmente debido á ampla variedade de mazás podemos disfrutar destes doces durante todo o ano.

Un dos que me chamou especialmente a atención é a popular Sharlotka rusa, que sorprende pola gran proporción de mazá que leva, e a peculiaridade de que a masa vai vertida sobre ela.

As Granny Smith achéganlle xugosidade e moi bo sabor a este recomendable pastel.

INGREDIENTES

4 mazás Granny Smith grandes

125g fariña

200g azucre

3 ovos grandes

1 culleriña esencia de vainilla

azucre glas

PREPARACIÓN

Forramos con papel vexetal un molde desmontable de 18 cm. Pelamos as mazás e cortámolas en metades quitándolles o corazón, cada metade cortámola en catro tiras que logo toramos na outra dirección, e botámolas directamente no molde.

Nun bol batemos os ovos co azucre, engadimos a vainilla e agregamos pouco a pouco a fariña, mesturando todo ben.

Botamos a masa cubrindo as mazás.

Metemos no forno prequencido a 190º uns 40 minutos, protexemos con papel de aluminio cando empece a estar dourada.

Deixamos arrefriar durante 10 minutos sobre unha reixa metálica.

Espolvoreamos con azucre glas.

Fonte: Smitten Kitchen