Galletas estrela e Feliz 2012

Para os que só me ledes

Para os que ademais comentades

Para os que me seguides de cerca

Para os que me seguides de cando en vez

Para os que viñestes e quedastes

Para os que viñestes algunha vez

PARA TODOS

FELIZ 2012!!!

Ingredientes

(para 20-25 unidades)

150g fariña

100g manteiga

50g azucre

1/2 cullerada esencia vainilla

azucre glas

Preparación

Nun bol xuntamos a manteiga a temperatura ambiente, a fariña, o azucre e a esencia de vainilla.

Mesturamos ben e formamos unha bóla.

Estendemos a masa cun rolo sobre unha superficie lixeiramente enfariñada.

Formamos as estrelas cun cortapastas.

Forramos unha bandexa con papel vexetal e colocamos as galletas.

Metemos no forno prequencido a 180º uns 10 minutos.

Deixamos uns minutos na bandexa e a continuación pasámolas a unha reixa para que rematen de arrefriar.

Presentámolas espolvoreadas con azucre glas.

Bo Nadal!

Mini florentinas

De novo Nadal, este ano un pouco máis especial por ser o primeiro de "Comonacasa". Querìa preparar algo sinxelo e atractivo, que servise para acompañar unha agradable reunión con amigos ou familiares que nestas datas acostumamos a organizar. Pensei nestas deliciosas pastas de froita e chocolate, que aproveito para compartir con todos, felicitarvos estas festas e desexarvos o mellor para o novo ano!!.......grazas por estar aí.


Tamén quero agradecer a "el Rincón de Galicia" que contasen coa miña colaboración na entrevista que foi publicada onte e na que adiantaba esta receita.

Ingredientes

(para 10-15 unidades)

40g manteiga

40g azucre

50g améndoas laminadas

25g pasas sultanas

25g cereixas confeitadas

25g naranxa confeitada

25g pipas xirasol

90g chocolate negro

1 cullerada nata

Preparación

Fundimos a manteiga nun cazo, engadimos o azucre, removemos ata que se disolva e levámolo a ebullición.

Retiramos o cazo e engadimos as pasas, as cereixas, a laranxa, as pipas de xirasol e as améndoas.

Mesturámolo todo ben, agregamos a nata e batémolo de novo. 

Forramos unha bandexa con papel vexetal e colocamos culleriñas de masa ben separadas entre si.

Metemos no forno prequencido a 180º uns 10 minutos. 

Retirámolas e cun cortapasas circular dámoslles forma.

Toramos o chocolate e fundímolo ao baño maría.

Untámolo sobre as galletas pola parte plana e deixamos que se solidifique.

Madalenas con chocolate branco

Dende hai pouco, teño un novo libro de cociña "paso a paso repostería y panadería". Gustoume pola sinxeleza das receitas, explicadas dun xeito breve, onde a fotografía é a protagonista.
Son moitas as receitas que me gustaron, quixen comezar por esta de madalenas, xa que son totalmente diferentes ás que eu acostumo a facer. O resultado é unha madalena cunha textura máis densa e un sabor menos doce, pero moi ricas e recomendables.
Acompáñoas cunhas follas de chocolate branco.

Ingredientes

140g fariña

60g azucre

50g albaricoques secos

50g chocolate branco

100ml soro de leite

50 ml aceite xirasol

1/2 cullerada fermento

1 ovo


Para as follas
50g chocolate branco

Preparación

Tamizamos a fariña co fermento e engadímoslle o azucre e os albaricoques e o chocolate torados.

Nun bol batemos o ovo, o soro e o aceite. Removemos ben e vertemos na mestura anterior.

Repartimos a masa en seis moldes de madalenas ou en papel vexetal e metemos no forno prequencido a 200º uns 20 minutos, ata que suban.

Para as follas de chocolate

Collemos 2 follas dunha planta que nos guste, lavámolas e secámolas moi ben.

Poñemos o chocolate nun recipiente ao baño María e cando estea fundido, estendémolo polo reverso da folla, cunha culler pequena.

Deixámolas arrefriar nun prato e logo na neveira, para que collan consistencia.

Desprendemos con coidado a folla do chocolate. 

Pudin de castañas

Este mes vense realizando a tradicional festa do Magosto, na que se asan castañas e degústase o viño novo da colleita.

As castañas tamén adoitanse preparar cocidas con sal e anís.

Outra opción para poder disfrutar deste froito otoñal é o pudin, un doce cunha textura suave é doado de preparar.

Bo Magosto!

Ingredientes

250g castañas

80g azucre

100ml nata

200ml leite

2 ovos

caramelo

Preparación

Cocemos as castañas e quitámoslles a pel.

Preparamos o caramelo nun molde, ou en moldes individuais.

Quentamos o leite, a nata, as castañas e o azucre. Esperamos a que estea ben quente e pasámolo pola batidora. 

Batemos os ovos e engadímosllos amodo á mestura anterior.

Botamos sobre os moldes con caramelo e poñémolos nunha tarteira ao baño maría 40 minutos aproximadamente.

Deixamos arrefriar e metémolos na neveira dun día para outro.

Torta de lima

Gústanme os doces que levan leite condensada, xa que lle achega un sabor especial a todas as receitas.

Ata agora ningunha das que fixen decepcionoume, así é que se vexo unha receita que leva ese ingrediente, non dubido en facela.

Nesta torta combina especialmente ben o sabor do leite condensada coa acidez da lima.

Espero que vos guste!

Ingredientes

200g galletas

80g manteiga

400g leite condensada

100ml zume de lima

200ml nata

3 ovos

50g de azucre

ralladura de lima

ralladura de limón

Preparación
Desfacemos as galletas e mesturámolas coa manteiga derretida. Cubrimos a base dun molde desmontable de 23cm. Poñemos o molde na neveira mentres facemos o recheo.
Batemos as xemas ata que queden cremosas. Engadimos o leite condensada e o zume de lima.
Noutro bol, montamos as claras a piques de neve co azucre.
Incorporamos con coidado á masa anterior.
Botamos o recheo na base de galletas.
Poñemos no forno precalentado a 160º durante 15-20 minutos.
Cando arrefrie, poñemola na neveira durante 3 horas.
Montamos a nata con azucre ao gusto, cubrimos a torta e decoramos con ralladura de lima e de limón.

Torta de callada

A receita desta torta é tan fácil como facer un flan, e ten un sabor moi fresco e suave.
A receita é de Bocados dulces y salados.

Ingredientes

500ml nata líquida

250ml leite

1 sobre callada

3 cucharadas de azucre

galletas

caramelo

Preparación

Quentamos a metade do leite co azucre e a nata. 

Desfacemos o sobre de callada na metade restante do leite e incorporámola á mestura anterior.

Botámola nun molde con caramelo, deixamos arrefriar un pouco e colocamos por riba unhas galletas (que serán a base cando desmoldemos).
Poñemos na nevera dun día para outro.

Biscoito de améndoas

Como xa vos comentei nalgunha ocasión, adoito facer biscoitos para o almorzo como alternativa á repostería industrial.

Neste caso, fixeno de améndoas, que son unha excelente fonte de vitamina E e magnesio.

O resultado é un biscoito moi suave e lixeiro, feito cunha sinxela receita.

Ingredientes                                  

200g fariña                                                                

150g azucre                                                             

80g améndoas moídas                                              

50cc aceite

1 iogur de limón

1/2 sobre de fermento

2 ovos

Para a cobertura

azucre glas

améndoas enteiras

chocolate fondant 

Preparación

Nun bol batemos os ovos co azucre. Engadimos as améndoas o iogur e o aceite, mesturando ben, e logo a fariña co fermento.

Botamos a masa nun molde e metemos no forno prequencido a 180º uns 30 minutos.

Para a cobertura

Cando arrefríe espolvoreamos con azucre glas.

Fundimos o chocolate ao baño maria, e introducimos as améndoas unha a unha ata a metade.

Deixamos arrefriar e decoramos o biscoito.

Galletas de maizena

Logo deste paréntese vacacional, incorpórome de novo á actividade bloguera con estas galletas que vin no estupendo blog Kanela y Limón. Sorprendéronme polo brancas e delicadas que son, e podo dicir ademais, que teñen moito sabor.

Ingredientes

175g maizena

100g leite condensada

65g manteiga

1 cucharada de azucre

1 xema de ovo

Preparación

Batemos o ovo coa manteiga a temperatura ambiente, despois engadimos o leite e o azucre e logo a maizena tamizada.

Formamos bólas pequenas e esmagámolas lixeiramente cun tenedor. 

Extendemos papel vexetal na bandexa do forno e colocamos as galletas separadas entre si. 

Metemos no forno prequencido a 160º uns 12-15 minutos.

Pasteis con chocolate branco e amorodos

Xa case estamos en verán e temos a mente posta nas vacacións dos nenos.

No meu caso como son autónoma e teño poucos días de descanso ao ano, farei unha paréntese no blog (co que estou moi contenta grazas aos vosos comentarios) para disfrutar coa miña familia do pouco tempo do que dispoño.

Déixovos con estes pasteis que nos gustaron na casa polo ben que combina o chocolate e o amorodo. Espero que vos gusten!

Deséxovos un feliz verán e aos que poidan unhas felices vacacións!

Ingredientes

1 lámina de masa de hoxaldre

100g chocolate branco

100g nata dobre

amorodos

azucre glas

Preparación

Dobramos a masa para que teña maior grosor e cortamos 3 rectángulos de 5 x 9cm cada un. Pintamos a masa con ovo batido e poñémola na bandexa do forno untada con manteiga. Metemos no forno prequencido a 200º uns 15 minutos.

Poñemos a nata nun cazo a lume suave, engadimos o chocolate e removemos ata que este derretido. Deixamos arrefriar e poñemos na neveira durante 1 hora. Despois batemos ata que teña unha consistencia cremosa.

Cortamos o hoxaldre pola mitade e enchemos cada un coa crema de chocolate e os amorodos laminados.

Espolvoreamos con azucre glas.

Ou tamén

Podemos sustituir os amorodos por framboesas.

Torta de cereixas

Esta é unha torta moi sinxela e rica. Fíxena de cereixas porque estamos en plena temporada delas, pero por suposto, queda moi ben con calqueira froita que queiramos poñer.

Ingredientes

500g cereixas

1 lámina masa brisa

Para a crema pasteleira

100g azucre

50g fariña fina de millo

1/2 litro de leite

3 xemas de ovo

codia de limón

Preparación

Lavamos as cereixas, secámolas e quitámoslle os ósos.

Extendemos a masa sobre un molde. Metemos no forno prequencido a 200º ata que este dourada. Cando arrefríe desmoldamos.

Para facer a crema, poñemos a ferver o leite coa codia de limón. Nun cazo batemos os ovos co azucre e engadimos a fariña. Poñemos ao lume e imos incorporando o leite pouco a pouco, removendo ata que espese. Retiramos do lume e deixamos arrefriar.

Vertemos a crema sobre a masa e colocamos as cereixas.

Amorodos en xelatina rosada

Adoito tomar os amorodos en anacos, mesturados con zume de laranxa e azucre, que ademais de ser saudables é como máis me gustan. Pero admito que con nata están riquísimos, para tomalos ocasionalmente.

Esta receita fíxena para unha desas ocasións, na que quería que ademais a presentación fóra diferente.

Espero que vos guste!

Ingredientes

125g amorodos pequenos 

50g azucre

250ml viño rosado

125ml nata

3 láminas de xelatina

Preparación

Hidratamos as láminas de xelatina en auga fría durante 5 minutos. Escorrémolas e poñémolas nun cazo a lume lento ata que se desfagan. Retiramos do lume e engadímos a metade do azucre e o viño rosado.

Lavamos e cortamos os amorodos e incorporámolos á mestura anterior. Vertemos en vasos ou copas e deixamos arrefriar na neveira ata que calle.

Antes de servir montamos a nata co resto do azucre e poñémola enriba da xelatina.

Cookies con chocolate

A pasada semán celebrouse en Vigo a Copa do Mundo de Ximnásia Estética de grupos, organizada polo Club Maniotas, ao que pertence a miña filla.

Tódolos pais estivemos inmersos nos preparativos que require este acontecemento, que reune á élite da Ximnasia Estética, para finalmente poder disfrutar e emocionarse coa representación deste bellísimo deporte.

Non tiven tempo material de pasarme polas vosas cociñas, e fago esta entrada mais tarde do que tiña previsto, con estas cookies que vos recomendo por ser una receita moi sinxela e ser ademais moi ricas.

Ingredientes
140g fariña

70g azucre moreno
40g azucre
80g manteiga
80g pepitas de chocolate
1 ovo
sal
1/2 cucharadiña de fermento
1/2 cucharadiña azucre avainillado








Preparación
Tamizamos a fariña co fermento e reservamos.
Nun bol batemos a manteiga derretida e os tres tipos de azucre, engadimos o ovo e mesturamos. 
Incorporamos a fariña, o fermento, o sal e por último as pepitas de chocolate.
Extendemos papel vexetal na bandexa do forno. Formamos boliñas coa masa, dámoslle a forma da galleta e poñémolas, separadas entre sí, sobre a bandexa.
Metemos no forno prequencido a 200º durante 10 minutos.

Pera envolta en hoxaldre

Sinto especial predilección pola masa de hoxaldre, porque paréceme unha masa moi agradecida; fácíl de adaptar, rica e que combina con calquera ingrediente.

Por eso cando vin esta receita non dubidei do seu bo resultado.

Espero que vos guste tanto como a mín!

Ingredientes
4 peras maduras
1 lámina de hoxaldre fresca
1 ovo
azucre glas


Para o recheo
8 ameixas secas
1 laranxa en zume










Preparación

Troceamos as ameixas e poñémolas nun cazo co zume de laranxa a lume lento durante 5 minutos.

Pelamos as peras e sacámoslle os corazóns pola base. Cortamos as bases de xeito que as peras póidanse quedar de pé e logo introducimos as ameixas dentro, polo oco do corazón.

Estiramos a masa e cortamos tiras longas de 2cm de ancho. Enrolamos cada pera con elas escomenzando por riba, engadindo unha segunda tira si é necesario tapando tamén a base.  

Pintamos a masa con ovo batido e poñemos as peras na bandexa do forno untada con manteiga.

Metemos no forno prequencido a 200º uns 15-20 minutos.

Deixamos enfriar e espolvoreamos con azucre glas.